الحادي والعشرون من اكتوبر

برضوا مش الشعب هو الطلع مظاهرة وقال ضيعناك وضعنا معاك او انا غلطان؟اكتوبر شنو ياخ سيبنا وشوفوا ليكم شغلة غير البكاء على الاطلال الناس اتقدمت وانت قاعد يقول اكتوبر وثورة وماعالف

سلام اخى
اولاً الما عندو قديم ما عندو جديد

كلامك دا معناها ما نذكر الرسول الكريم ولا صحابتو الاجلاء ولابدر واحد وخيبر ...والخلفاء ...وصلاح الدين
وننسى ماضينا ونقلب صفحه جديده
الناس البتتكلم عنهم ديل اتقدمو كيف ...من الاخطاء العملوها فى ماضيهم
يعنى ما نسو ماضيهم...
يعنى بنشوف نحن دقسنا وين ونحاول نصلح
الواحد لما يتذكر الكلام دا بديك دافع وما بتفقد الامل
...ضاقت ولما استحكمت حلقاتها فرجت.....

شكلك كدا مبهور بالحضاره الغربيه

كلامك صحيح يا سيف لايمكن إلغاء التاريخ بأي حال من الأحوال..
فالتاريخ هو إرث الشعوب وهو مصدر فخرها.. ولابد من تعليم النشء تاريخ وحضارة دولتهم وفترات نضالها..
يا عزيزي ثورة أكتوبر ثورة عظيمة وهي مصدر فخر لكل السودانيين لأنها كانت الشرارة التي أحرقت أركان الحكم الدكتاتوري في البلاد.

صديقي

ثورة اكتوبر من اعظم الثورات في العالم ومن المفترض ان تدرس في الجامعات حسب وجهه نظري لانها ملك لهذا الشعب ونتاج لنضالاته وقدم فيها اناس ارواحهم فداء لهذا الوطن فكيف لنا ان نمسحها من زاكرتنا ....

تقدم اي شعب مربوط بماضيه وما لم يقيم هذا الماضي بطريقه علميه ودراسه محاسنه ومسالبه لا يمكن ان تصنع حاضر جميل

اشكرك علي رايك

طيب ممكن سؤال بعد اكتوبر الحصل شنو وين النهضة ازكر لى واحد بس من الانجازات بعد الثورة وبعدين انا لا مبهور بالغرب ولا حاجة ياباشا مع الشكر

ياباشا الانجازات بتحصل لما يكون فى ديمقراطيه ويكون فى حريه
ومافى شى من الكلام دا حاصل ....
ولا عندك راى تانى؟؟؟
وما تتوقع تقدم ولا انجازات مالم تحقق الشروط دى
وحسبنا الله ونعم الوكيل

عزيزي
التوبيك يتحدث عن ثورة اكتوبر واسباب قيامها وهي انهت فتره حكم عسكري غير ديمقراطي .... وهي في حد ذاتها انجاز خاصة انها تمت بطريقه العصيان السياسي اي انها قامت بسلاح ديمقراطي عبر عن تشوق جماهير الشعب للديمقراطيه التي وأدت بواسطه جنرالات الجيش بغض النظر عن الانتماء السياسي لمن قام بانقلاب نوفمبر التي انهته ثورة اكتوبر ... وبما انك اتفقت معي بانها ثورة فبالتأكيد ان لها انجازاتها واكبر انجاز هو ممارسه جماهير الشعب لحقهم الديمقراطي في ان يحددوا من يحكمهم وباي كيفيه وهو في نظري انجاز عظيم ويقودنا للمقارنه بين اي النظامين افضل ( النظام الديكتاتوري ام الديمقراطي ) وهنا يا عزيزي الحديث يطول ويطول
شكرا لمواصله الحوار

اليلام عليكم كيف فى الدبموقراطية الاولى والثانبة والثالثة وين انجازاتها ازكرها لى بس او ممكن تستعين بصديق مافى مانع

صديقي
انا ح استعين بصديق اسمه الشعب السوداني
الشعب السوداني دا يا عزيزي قهر الديكتاتوريات واختار الحكم الديمقراطي وذلك يعني انه اختار شكل الحكم .
الانجازات التي تتمناها انت والتي حدثت في العهود العسكريه كان ثمنها باهظا جدا تمثلت في ارواح ابرياء فقدوا انفسهم من اجل اليمقراطيه وفقد معها الشعب السوداني كثير من الخصال والعادات التي كنا نتمتع بها فصار الهم هو كيف اكل لحم اخي وتفشت الجريمه بابشع اشكالها .
صديقي لا تغرك كباري او شارع اسفلت او مبني فاخر ولكن انظر للاخلاق الي ماذا وصلت

وليتواصل الحوار

الصعب اسمح لي بكل صدق احييك علي اسلوبك الراقي جدا في الحوار....وعدم السير وراء النقاش الصطحي الذي حاول البعض اقحامك فيه....
وفي انتظار المزيد منك اخي
تقديري

اشكرك مستر جلكسا
ان شاء الله اكون كتبت الاسم صاح

الموضوع يا صديقي يجعل الانسان يتحاور بموضوعيه وكثير منا يفتقد الموضوعيه وذلك لخلل في تركيبتنا والتي اثرت فيها اشكال الحكم التي مرت علينا - دي واحده من مسالب عدم الديمقراطيه