مستشارك الخاص

انا فلسان العدمان
افتكر انّي عندي خبرة في التصاميم الهندسيّة و تنفيذ المشاريع و دراسات الجدوى و العقودات و التحايل الضريبي

وانا سمسمة
برمجة تصميم مواقع ولا اقول ليك حاسوب وشبكات

ازيّك يا مدير معاش
بس كدة؟؟؟؟
يعني من ما تصحي في الصباح بتقعدي تبرجي
لسّة لسّة

كن فهمت منك حاجة الحس المكوة

و انا كان فهمتة الحس طشت
:)
يعني انتي بتعرفي تصممي مواقع
ايه رايك و راي المجموعة طبعا" لو عملنا موقع خاص بي خرطوم اون لاين و نعمل فيهو رابط مع زوربيا

فكرة حلوة شدييييد
انتو بس اتفقو وانا ابدأ التفيذ علي طول

تحياتي فلسان والله فكره رائعه شديد وياريت نعمل على تطبيقها على ارض الواقع ونعمل موقع خاص بخرطوم اون لاين يقوم على نفس السياسه والنهج الديموقراطي المتبع ويكون من اكبر المواقع السودانيه على الانترنت , هناك بعض المواقع زات السمعه الكبيره مثل سودانيز اون لاين وسودانيز اوت لاين ياريت لو نجعل من خرطوم اون لاين واحده من المواقع التي يشار اليها بالبنان , وبالنسبه للتكلفه مستعدين للمشاركه وتحقيق هذا الطموح
فكرة رائعه اتمنى تتحقق
كل التحيه والتقدير

انا بايد الفكرة بشدة .. و اقترح تثبيت الاقتراح ده بتصويت فوري

كلام جميل
وقبل ما الفكره تصبح ذكرى مفروض نبدا
ولا كيف

والله ياريت نبدأ , يالله اعملو تصويت وله اي حاجه من خلاله نقوم بتطبيق الفكره , ونجاح الفكره مضمون إن شاء الله بس نعمل خطوه سريعه قبل ما الموضوع يموت

سؤال
لو واحد عندو فكرة عن السفر و السياحة
كان عندي فكرة اسافر لي جزر القمر
فالطريقة كيف لي التأشيرة و التزكرة بي كم
انا فتشتة و سألتة فالمعلومة الوحيدة العرفتها انو الخطوط اليمنية بس البتوصل لي هناك
فدخلتة الموقع بتاع الخطوط اليمنية و للأسف ما لقيت رحلات في جدول الخطوط

كويس جدا" لحدي حسّي لقينا اخصائيين في الهندسة و القانون و ال الاحياء الدقيقة و الكبيرة كمان و الكورة و الديكور و الّستة ماشة
افتكر بعد ده جاهزين نفتح باب الاسئلة و الاجوبة

طيب أها وهسا الفهم شنو؟؟ حنفتح توبك جديد ولا الأسئلة حتكون هنا برضو؟؟
ياخ أخوك عجبتو الفكرة ومتحمس ليها شديد. (^^,)

أخوكم طبعاً قانوني ومستعد لأي إستفسار في شتى مجالات القانون وطني (مدني - جنائي - شرعي).. دولي.. وحقوق الإنسان..
----------------
فلسان وديني إنت رائع الفكرة دي كنا محتاجينها من زماااااااااان.. شوف بقى التوبيك ده أنا حأستشير الريس ونعملو ستيكي لأنو مهم جداً..
بالجد تسلم على الفكرة المفيدة دي..

انا ايناس مبتدئه في الشغل بتاعك ممكن افيدكم شويه وانشالله اكون نافعه بالنسبه ليكم انا بدرس تصميم داخلي

التحيه يافلسااااااااان والله فكره حلو وزمااااااااااان كان في وحده قريبه منها , بس فكره مفيده فعلا للجميع , انا لو عندكم دافوري وله مباراة وديه جاهز للمساعده ههههههههههههههه

ازيّك يا مدير
طبعا" الواحد لازم يتكبكب ليك شوية بعد ما اخدتة الترقية الجديدة
يعني عاوز تقنعني يا ايهاب انو ما عندك اي خبرة في الدنيا دي
شوف غيرها و رص لينا على الاقل تلاتة حاجات

يافلسان ياخوي مدير حته وحده كده , وبعدين تتكبكب شنو انت زول رئيس سابق يعني عندك حصانه دبلوماسيه لكن انا حته مراقب , وكان على الخبره الحمدلله الواحد ادقش في الدنيا دي كثير والغربه برااااااااااااها بتعلم كثير جدا جدا , لكن الصفحه دي عنوانها مستشارك الخاص وطبعا المستشار ده اكيد لازم يكون متخصص وانا صراحه متخصص في حاجه وحده وهي كرة القدم عشان كده ياجماعه اي واحد عندو دافوري وله مباراة اخوك جاهز , واي استشاره في المجال ده حاضرين طوالي

نظراً لأهمية الفكرة في هذا التوبك
نتمنى من الرئيس إنو يحول التوبك ده إلى توبك ثابت (ستيكي)
سمعة

صباحكم ورد ياعيال
-------------------
كيف أخبارك ياباشمهندس؟
والله عودة مبشرة
ورمضان كريم للجميع
ربنا يجمعكم فيهو مع كل اللى بتحبوهم
وتقضوهو تامين ولامين
ومن عتقاء النار
اللهم آآآآآآآآآآآآمين
---------------------
أنا رموية الككوية
يسعدنى أن أتلقى أسئلتكم
فى مجال العلوم
وبالتحديد مجال الأحياء الدقيقة والملوثات
--------------
أسئلة ساهلة آآآآآآ
عصر مامعانا الدنيا رمضان
-------------------
تحياتى

انشالله يا فلسان ربنا يديك لما تقول كفى
كلام زى المويه البااااااااارده
برمجه وشبكات

ازي السعادة يا باشا
كان اقترحتة على سمسة اقتراح بتاع عمل موقع للمجموعة و كان على التمويل مافي مشكلة ابراهيم حا يدفع الرسوم كلّها براهو

تسلم يا باشا
الحال والاحوال
بالمناسبه الحكايه دى قروشا ما كتيره وساهله
وممكن بعد ما نلقا الدعم تتوسع الشغلانيه
نحن ممكن نعمل موقع بصوره مبدئيه والله كريم لى قدام
دا بس عشان ابراهيم ما يلاوز ههههههه

سلااااام
انا امجد ماس
نفس مؤهلات فلسان .. لكن مكتبي اكبر شوية

سلامات فلسان ..فكرة تمام

التخصص محاسبة ..الخبرة سكرتارية ودوكيومنت كونترولر والشغل لوجستك على شحن
وظيفة جوكرية كدة

كدي روقي شوية يا ميمي
لحدك سكرتارية دي وقعت لي اما الباقي ده اشرحيهو لينا

دا يا سيدى ديدن الشركات الخاصة و الاجنبية فى التوفير على حسابك كموظف جوكرى

سكرتارية ودوكيومنت كونترول كانو مرتبطات ببعض شوية ..لكن دى بقت وظيفة براها حالياً عن أى ملف داخل أو طالع من الشركة من لحظة إستلامو للحظة الإجراء المعمول عليهو من الموظف الداخلى للحظة حفظ كوبى منو فى الملفات الداخلية للشركة للحظة تسليمو تانى للعميل الخارجى الجابو ,,كلو بى إمضاءات وتواريخ إستلام ---
بقدرة قادر تبقا بعد داك تابع لى اللوجستك اللهى لمن يترجموها بتشمل ليها حاجات فى الكتالوج زاتو مافى ..المهم بتكون متابع لحاجات المشروع مثلاً المحتاج ليها إبتداءً من العمال لو اجانب وتأشيرات دخولهم لى أكلهم فى الموقع مثلا و أى إحتياجات يومية ليهم وأى آليات مثلا محتاج ليها الموقع عشان المنتج و لى طريقة تحركهم ومتابعة تفاصيل الحاجات لحدى ما تصل هناك وكميتها وكفايتها وهكذا
---
الشحن دا لمن تكون الشركة فرع وحاجاتا كلها بتجى من برة ..من آليات عمل ..بتكون متابعة مع شركة التخليص بمدهم بى الاوراق اللازمة عشان يجيبو ليك حاجاتك دى من مطار أو بحر حسب الشحن وحجم الحاجات و وزنها ..برسلو من هناك بدوك إخطاربشحنهم لى حاجة .. برسلو ليك الأصل من بوليصة الشحن وكل اوراقا بتتصل انتة بى ناسك وتوريهم عشان يطلعوها اول باول تفادياً مثلا لتلف من تخزين أو كمية قروش الأرضية الحتدفعا فى الميناء كل ما قعدت والضريبة وتصاديق للحاجة دى لو ممنوع تدخل السودان وقصص زى دى كدة

نفس مؤهلات فلسان .. لكن مكتبي اكبر شوية
دى زى انا واخوى الكاشف .... ههههههههه

عبدالفتاح ابراهيم ... التخصص طيران مدنى وادارة ... الخبرة ادراة مخازن وأفراد

الموضوع جميل جدا و مفيد جدا لقروب
ابراهيم الريح
بكالريوس ترجمة الجامعة الامريكية القاهرة
ماستر ترفل من المنظمة الدولية للطيران..
(IATA)
دراسات عليا في مجال الطيران الخدمات الارضية
متخصص في التسويق و المبيعات في شركات الطيران و شركات السياحة و الفتدقة
دبلوم عالي انتاج حيواني(تخصص انتاج اللحوم البيضاء و منتجات الالبان) جامعة بغداد دبلوم عالي انتاج زراعى ( تخصص زراعة النخيل) جامعة بغداد
دراسة متوسطة في تركيب الالوان و التصميم الداخلي من معهد قبرص العالي في لارنكا
بصراحة استفدنا من سنين الغربة في الدراسة وكان كلة بي المراسلة معداي الامتحانات في الجامعة الام
ذي ما بقول المثل 7 صنايع و البخا ضايع
تحياتي للجميع

يا جماعه ....... العيـــــــــــــد قرب
دايرين واحد تخصص لداء الفلس


في

منو ؟