صندوق المقترحات والشكاوي

السلام عليكم
أولا أحب أن أبارك لك هذا المنصب الرفيع وبإذن الله تكون عند حسن كل الناس
وماشاءالله ماشاءالله
والله تمام التمام فكره حلوه وسديدة الرأي
يعيش سمعة الريس
بس في طلب واااحد مادايرين ضرايب
تحياتي ياريس سمعة
Boodi

يا سمعون إزيك
الصفحة السودا دى ما حلوة
والخريطة الفوق زاتا

يا ميمي أنا ليقت إنو اللون الأسود هو أنسب لون لأن كل ما تتغير الخلفية حتضطر تغير معاها لون الكتابة وشكل الخط واللنكات يعني الحكاية مرهقة وأنا فكرت إن اللون الأسود بيناسب كل الألوان المعاه..
بس لو إنتي عندك إقتراح مناسب قوليهو لينا ونحنا حنعملو على طول
أما حكاية الخريطة دي فمقدور عليها حنشيلها
أها عندك أي إقتراحات ولا شكاوي تاني؟
مشكورة يا ميمي

thanks hunny

تسلم ياريس واهنيك على الفكرة الجريئة دى وبقترح انو التوبيك دا يكون دايما موجود فوق عشان حتى اليدخل جديد يعرف انو فى شئ بالشكل دا وموفق ان شاء الله ... تحياتى

ياعمك والله تسلم خالص خالص أنا بالجد كنت مستني رأيك في الفكرة دي والحمد لله جا كما أشتهي..
وبيني وبينك فعلاً لازم يكون موجود دائماً عشان العندو مقترحات يلقاه قريب مش يمشي يبحت لي ورا وأهو عملناهو ستيكي عشان ما ينزل لي تحت
ودمت يا عم فتاح

الف شكر ياريس على الفكره الرائعه , حقيقه سوف تساعد كثير على تطوير المجموعه , وعندي ملاحظه بسيطه اللون الجديد مزعج للنظر ومتعب لانه قريب من لون الكتابه

حاضر يا كابتن والله حتى أنا مزعجني اللون بس في مشكلة تقنية.. وكل ما أغير الخلفية بترجع تاني بس أنا ببذل جهدي عشان أغيرها في أسرع فرصة
وشكراً ليك كتير على إشادتك
سمعة

ما بتقصر ياريس اكيد , يديك العافيه على المجهود وبالتوفيق

بدايه جميله....ربنا يوفقك...ما داير اقوليك ربنا يملا صندوقك.... انشالله ...يتملى اقتراحات ما شكاوى ...

انا برضو نفس اعتراض ايهاب
اللون الجديد كئيب وما مريح

الف مبروك الرئاسة اتمنا ان تكون فى حسن ظن الجميع

الاخ الجليل سمعة
اولا اهنئك على الثقة الغالية التى منحت لها وعشمنا ان تصعد بهذه المجموعة التى تملك كل مقومات الصعود واود ان اطرح عليك بعض الافكار والتى ستساهم فى اشهار هذه المجموعة والتى ترسخت قناعاتها عبر رباط اخلاقى يتمتن بتراث وقيم شعبنا الراسخة واول تلك المقترحات 1/الاتصال باحدى القنوات الفضائية والتنسيق معها من خلال اعداد حلقة عن مجموعة خرطوم اون لاين الثقافية والاستعانة بكوادر تشارك فى هذا البرنامج
2/ ومن خلال ذلك البرنامج تستطيع ان توجد مجموعة من الشركات الراعية والتى ستشارك فى تغطية نفقات البرامج وخاصة ذلك الذى يحتاج الى حوافز
لا تتخوف من الافكار فخطوة الالف ميل تبدأ بخطوة جريئة
ولك ودى

يحيى

عزيزي يحيى سلامات
شكراً ليك كتير على ثقتك وبإذن الله حأكون عند حسن ظنكم
بخصوص الإقتراحات والله فكرة جميلة شديد بس إنت ما معاي إنها فكرة متقدمة شوية بمعني إننا لسة في مرحلة مبكرة على حكاية نظهر في قناة فضائية يعني شوف مثلاً الناس اللي بتعلق وبتشارك بإنتظام ممكن أعدهم على أصابع يدي والغريب إن المجموعة فيها 934 عضو والبيشاركو عدد بسيط جداً أقل من 1% من أعضاء المجموعة
لكن فكرتك جميلة وحلوة شديد وأنا حأتبناها بمجرد مانصلح أحوالنا الداخلية
تسلم يا يحيى والله تعجبي أفكارك المتقدمة كماً ونوعاً
سمعة

صباح الخير
الاخ الرئيس
انا بتفق مع الجميع فى اللون الكئيب ده ودى شنو الخريطه دى
نرجو منك انك تتقبل اراءنا دى بصدر رحب

حاضر ياست لينا مع إني شرحت لي ميمي قصة اللون الأسود ي فوق وممكن ترجعي لي ردي عليها
بعدين حكاية الخريطو عشان الناس تشوف الخرطوم وأم درمان وبحري كموقع جغرافي بس ما أكتر لكن واضح إنهعا ما نالت إستحسانكم وعموما أنا حأشيلها
ولو عندك مقترح بخصوص لون الخلفية ممكن تقوليهو لينا
وبعدين أنا فتحت التوبيك ده مخصوص عشان أسمع آرائكم ومافي سبب يخليني أزعل منها أو أزهج لأنها في الأول وفي الآخر لمصلحة المجموعة وأنا داير أشرك أكبر عدد معاي في إدارة المجموعة بمقترحاتهم
وشكراً يا لينا

بحي فيك هذه النزعه القانونيه لكن الفكره حلوه وبتطور المجموعه بالافكار الجديده وربنا يعين

الله يديك العافية يا أخت مناهل وياريت أكون عند حسن ظنكم دايماً

أحب أحييك يا ريس سمعة على الفكرة الجملة دي وإنشاالله حتساهم بقدر كبير في تطوير المجموعة..
وكلنا وراك يا ريس.
سماح

تسلمي يا سماح وربنا يديك العافية وياريت الفكرة تساهم في تطوير المجموعة..
بس أنا ما دايركم تكونوا وراي أنا دايركم تكونوا قدامي وأنا البي وراكم شغل تأمين وكده..
تسلمي يا سموح
سمعة

ههههههههههههههههههه معقول يا سمعة مافي ثقة في شعبك للدرجة دي؟
يازول نحنا مافارقة معانا قدامك وراك كلو ماشي بس تخلي بالك مننا شديد..
وشكراً يا أحلى ريس في الدنيا.

سمعه ......... خلي بالك مننا
ههههههههههه
مع احترامي

أيييييييييييه دنيا.. ده لما كنت رئيس المجموعة دي.. الدورة الفاتت
كنت زول محترم ياخ.. هسا أنا حتة مستشار لكن برضو حاخلي بالي منكم..
لكن ما ليك حق.. هههههههههههههههه ذكرتني بالذي مضى..
اللهم إني صائم

انا ذاتي صائم - دي مرت من ........ كيف ؟
صاااااح شايفك هسي خاتي بالك مني

الاخ الريس
نود ان نطرح بعض المقترحات التى نامل ان تخضع للحوار او التعديلات والاضافات .
1/ ان مجموعة الخرطوم على الخط من الممكن ان تلعب دورا ايجابيا فى الجانب الاجتماعى والسياسى كالدور الذى لعبته جمعية ابوروف وجمعية الموردة وجمعية ودمدنى ومؤتمر الخريجين فى النهضة العامة والدفع بالعمل خطوات لامام
2/ ان دستور المجموعة ينطلق من رؤى وطنية جامعة لا تستند على النوع والجنس والجهوية
3/ تجذير قيم الديمقراطية قولا وفعلا والتى اقرها ومارسها كل الاعضاء فى اختيار رؤساء المجموعة وهو فعل نعتز به ونفاخر به
4/ البحث عن وسائل واليات نطور بها العمل حتى لا يكون الموقع منبرا لتضييع الوقت واهدارة والاشهار والاعلان عن هذه المجموعة يعتبر امرا فى غاية الاهمية وخاصة لدى القنوات المهتمة بالشأن الثقافى مثل زول والشروق وهارمونى -
نامل عدم التخوف من الخطوة الاولى فكل الاعمال العظيمة والجليلة كانت فكرة كما ان اهدافنا اهداف سامية
5/ نقترح تكوين لجنة مصغرة قابلة للاضافة وارشح اسماء لدراسة المقترح من كل جوانبة ومن ثم ترفعة للرئاسة والمستشارين
واللجنة تضم -السيد فتاح - الاباشمهندس امجد -الاستاذ ايهاب الباشا فلسان الاستاذة ميمى والابنة الجليلة الاستاذة سمسة -يحيى
نتمنى لكم مزيدا من النجاح
يحيى

أؤيد الفكرة تماماً وأؤمن عليها ومن هنا فلا مانع من دراسة المقترح أعلاه بواسطة الساده المذكورين في اللجنة المقترحة ومن ثم وضع تصور يرفع للسيد الرئيس والسادة المستشارين للدراسة النهائية.
ونتمنى أن يتم ذلك في أسرع فرصة..
وشكراً يا سيد يحيى

الأخ العزيز يحيى بخصوص المقترح أعلاه فلا زلنا في إنتظار تقرير اللجنة المصغرة فياريت تحاول تجتمع بيهم وتفهمهم وجهة نظرك وجدوى فكرتك وترفع لي التقرير لتتم دراستة مع السادة المستشارين
ولك الشكر دوماً
سمعة