دستور المجموعة

السادة اعضاء المجموعة
في حالة وجود اي اعتراض علي بند من البنود اعلاه ..الرجاء التكرم بابداء الراي
في حالة وجود اي شكوي ضد اي فرد من المجموعة الرجاء ارسالها لي او للمستشارين في رسالة خاصة و سيتم انزاره او شطبه من المجموعة

في حالة وجود اي شكوي ضد اي فرد من زوربيا الرجاء ارسالها لي او مباشرة لاي مراقب في زوربيا علي الرابط الاتي
http://me.zorpia.com/group/zorpia_reporting_center
سيتم انزاره او حجب صفحته

كلام جميل يا امجد بس الحتة بتاعة مواضيع تتعارض مع قيمنا دي ما واضحة
انا بفتكر انو الشي اللي بخلينا نتواجد هنا هي مساحة الحرية اللي ما لاقينها في حتة تانية في ظل ثقافة الممنوع و العيب نحن هنا عايزين نكسر الحواجز و نتكلم في مشاكلنا بوضوعية و شفافية بس زي ما قلت بعيد عن الاسفاف و التفاهه و الانحطاط لكن معليش يا ابو مجد ما دايرن ممنوع كفاية الممنوع البره
تحياتي
ماهر

يا اخ ماهر ...الدستور ده نزلناه في الانتخابات ..كل الحصل انو رفعته من المواضيع القديمه و وضحته
نحنا ممكن نستعمل كلمة تاني غير الممنوع في مجتمعنا...ممكن نقول الحاجات المقبولة لينا احنا...وباقي نشوف وجهة نظر باقي الاعضاء

السلام أرجو تنزيل هذه
الفواعد في دستور المجموعة
**********************
أبجدية المنتدى .. أتمنى كل من بالمنتدى يقراها .. للفائدة

==============
!||!¤********`::. أ .::`********¤!||!


أحرص على أحترام الرأي الآخر ... وناقش قصوره بشكل

غير جارح ... حذار من أسلوب الأستهزاء بالتعليق

فنحن نختلف بالثقافات ... وبالقدرة على صياغة الأفكار

فأحترم ذلك .
!||!¤********`::. ب.::`********¤!||!
بداية كل موضوع جديد ... كن أنت عين الرقيب والناقد لنفسك

لتصل في النهاية إلى موضوع شيق ... لا ينتقدك عليه الآخرون .
!||!¤********`::. ت .::`********¤!||!
توافه الأمور مقتل المرء ... أرتق عن الخلافات البسيطة

وأختلاف وجهات النظر بينك وبين أي عضو .. وأحرص

على بقاء الحد الأدنى من الأخوة بينك وبين من أختلف

معك ... فكلنا أخوة .. وحتى الأخوة غير معصومين

من الخلافات .
!||!¤********`::. ث .::`********¤!||!
ثق أن ما تضعه من مواضيع مما هو مخالف للدين

سوف تنال بسببه الذنوب..التي تجدها أمامك يوم القيامة

وأنت لم تفعلها..لكنك دللت غيرك عليها في الأنترنت

والدال على الشر كفاعله .


!||!¤********`::. ج .::`********¤!||!
جامل الأعضاء الجدد بأي كلمة في مواضيعهم .. ليدركوا

جمال الأنتساب الحقيقي لمنتدانا... والقلب

الواحد الذي ينبض في صدور الجميع... بيتناً دافيء

فلنجعل الجميع يحس بذلك الدفء .
!||!¤********`::. ح .::`********¤!||!
حاول أن تجعل جميع مواضيعك وردودك ذات فائده

وأجعل أسمك يدل على ماوراء موضوعك من الخير والفائدة

واٍلا فلا تتعب نفسك بالكتابه..فالمهم الكيف لا الكم

تميز بما تكتب وليس بكثرة مشاركاتك هنا وهناك .
!||!¤********`::. خ .::`********¤!||!


خذ الفائدة من كل موضوع تقرأه .... فمن القراءات

لمختلف الآراء ... نبني فلسفياتنا الخاصة .


!||!¤********`::. د .::`********¤!||!
دلل على أعجابك بموضوع تم طرحه بالرد عليه

ولو بكلمة شكر تعوضه عن الوقت الذي أجتهد فيه

لتقديم هذه المادة لك ... ولا تقم بتحميل الملفات دون

شكر صاحبها ... فمن لا يشكر الناس ... لا يشكر الله .
!||!¤********`:. ذ .::`********¤!||!
ذيوع صيت المنتديات ينتج عن الأقلام الراقية التي

تكتب فيها ... وعن العلاقة الجميلة التي تربط بين

أعضائها .


!||!¤********`::. ر .::`********¤!||!
رتب مواضيعك بفن ... فالتنسيق التنسيق التنسيق .

قد يتساوى موضوعان في المادة .. ويُفضل أحدهما

على الآخر .. بالتنسيق الواضح فيه .


!||!¤********`::. ز .::`********¤!||!
زين وجودك بالمنتدى بروح خلوقة طيبة ... تحمل من

تحط على موضوعه اٍلى عالم آخر من الرقي والأنسانية

كن محبوباً ... وأكسب الآخرين .
!||!¤********`::. س .::`********¤!||!
ساهم في أبراز الوجه الرائع الحقيقي للمنتدي بمشاركاتك

وردودك ... وأخلاقك .. ولا تكتفي بالرد

على مواضيعك ... فلولا تواصل الآخرين معك .. لما

وجدت شيئاً ترد عليه .
!||!¤********`::. ش .::`********¤!||!
شارك الآخرين أفراحهم وأحزانهم ... ولو بكلمة

مهما كانت مشاعرهك تجاههم ... فالطيب ... لا يجني

اٍلا الطيب ... وكم من مصائب قربت قلوب ... يبقى الحب

هو ما يجمعنا ... ويبقى الجميع تحت مظلة هذا المنتدى

أخوان وأهل ... فلا تسمحوا لقطيعة أن تدوم ...

ولا تسمحوا لأعمدة هذا المنتدى الجميل ... أن تُهز .
!||!¤********`::. ص .::`********¤!||!
صارت المواضيع بين المنتديات مستهلكه ...

فكن أحد الأشخاص الذين يأتون بشىء جديد ومميز .


!||!¤********`::. ض .::`********¤!||!
ضيوفنا لا نملك أن نسيء لهم ... صفة عربية أصيلة ...

فلا تسئ لضيوف مواضيعك .
!||!¤********`::. ط .::`********¤!||!
طالما أن الثقافات تختلف .. فإن تقبل الآخرين لما تكتبه يختلف

فأجعل الاٍيجابي دافعك للأبداع ... ولا تجعل السلبي سبباً

لأحباطك ... فمن أجل عين واحدة قرأت كلماتك ... أستمر .


!||!¤********`::. ظ .::`********¤!||!
ظروفنا المعيشية أو الحياتية تختلف ... فما يراه أحدنا أمراً

طبيعياً .. قد يراه آخر قذفاً أو سباً ... أو حتى أستهزاءاً به

فراجع حروفك قبل نشرها .. وراع الناس ... ليراعوك

بأختصار .... عامل ... تعامل .


!||!¤********`::. ع .::`********¤!||!
عامل الآخرين باللين ... خاصة بالكلام مع الأعضاء

ولا تجرح أحداً .. ولا تعامل الشخص بمثل ما يعاملك بل

عامله بأحسن من معاملته فهذه هي روح الأخلاق

واٍن أخطأ أحد بحقك فلا تقل غير ... جزاك الله خير وغفر لك .
!||!¤********`::. غ .::`********¤!||!


غيرتك على المنتدى تترجمها عند التصرف بحكمة عند

ملاحظة ما يسيء إليك شخصياً في أحد المواضيع

ولا ترد الأساءة بتصرف متهور .. راسل المسيء على

الخاص لتلفت أنتباهه لخطأه ... فإن لم يتبع الموضوع

بأعتذار خاص ... بلغ الأدارة ... ولا تجعل الموضوع

مرتعاً للأهانات والتجريح مما ينعكس بالتالي على

سمعة المنتدى ... فإن لم يكن الطرف الآخر حريصاً عليها

فأحرص أنت عليها .
!||!¤********`::. ف .::`********¤!||!
فن الردود ... من أجمل الفنون اٍن أتقناها .. تنحصر كلها

في جملة واحدة " لا تنتقد ... ناقش " .
!||!¤********`::. ق .::`********¤!||!
قرب نفسك من الآخرين بأخلاقك الرفيعة ... فما يشدنا

في الكاتب هو أخلاقه ... وطيبته .. وتشجيعه للآخرين

وليس أسمه أو مركزه في المنتدى كعضو أو كمشرف .
!||!¤********`::. ك .::`********¤!||!
كن سفيراً لمنتداك ... أحرص على أن يبقى المنتدى

راقي كعهده .. عندئذ سترتقي معه .
!||!¤********`::. ل .::`********¤!||!
لاأحد في هذه الدنيا يعرف نيتك ومرادك من كتابة موضوعك

اٍلا الله سبحانه وتعالى .. فأحسن النية والقصد .. وأسأل الله

الأخلاص .. يجعل الله لموضوعك القبول .


!||!¤********`::. م .::`********¤!||!
من أروع ما ميز منتدانا ... خلوه تقريباً من الكلمات الخارجة

كما أن الأحترام طاغ في تعامل الكل مع بعض

حتى بين الأعضاء الذين يختلفون في وجهات النظر .. والكلام

الحلو النابع من القلب يسري بين الكل ... محملاً بالغزل

الأخوي الذي لا توابع وراءه ... وليس له تفسير

سوى الأخوة .
!||!¤********`::. ن .::`********¤!||!
نصيبنا من وجودنا في المنتدى نجنيه تميزاً وخبرة ومعرفة

فكن مميزاً ... لتُنسب لمنتدى مميز .
!||!¤********`::. هـ .::`********¤!||!
هذه الصفحات في منتدانا الغالي .. أستطاعت أن تجمعنا

بحب شديد لكل ما نكتب ... ولكل من يقرأ ... فأحرص

ألا تسيء لأحد قولاً أو فعلاً ... فإن خسرته كقارئ

لا تخسره كأخ .

||!¤********`::. و .::`********¤!||!
وحدك من يملك السيطرة على تصرفاتك وعلى أعصابك

فلا تفقدها أبداً ... مهما أستفزك الموقف ... فالأدب الجم

يؤتي أحياناً بنفس تأثير الغضب الجم على الطرف الآخر

وقد تجني به مالا تجنيه من العصبية .
!||!¤********`::. ي .::`********¤!||!
يبقى الذكر الطيب هو الطاغي ... اٍن غاب أحدنا

تذكر ذلك جيداً ... فيوماً ما ... ستقرأ ما كتبت من شهر

أو شهرين أو يمكن سنة ... فأحرص من الآن

ألا تكتب ما يسيئك بعد فترة .. فقلمك عنوانك

وحروفك تستقيها من شخصيتك .. قل لي ماذا تكتب

أقل لك من أنت .


دمتـــــــــم بـــــــــود .. تقبلـــوا
أحتــــرامى


ALLTRONIX

كلام اكثر من رائع ...حتي مكن تكون في دستور حياتنا كلها

اللهم اجعلنا ممن يسمعون القول فيتبعون أحسنه
آمين
***********
سلاماتي وتحياتي
لمن هم أغلى من ذاتي
وبالمسك والعنبر ردوا على مشاركاتي

ارجو انابدي ملاحظتين عن الدستور الاولي تتعلق بالبند الاول من العضوية اري انه سيكون اكثر ملائمة لو اضفناجملة - مع ابداء الاسباب او اخذ موافقة المستشارين
اما املاحظة الثانية متتعلق بالبند الخامس من المستشارين ارى انه لايحق للئيس عزل المستشار بعد اختياره الا بموافقة الاستشارين الاخريين وبذلك يكون للمستشار التصرف بحرية دون مجاملة واقالة الرئيس اذا لزم الامر كما جاء فى البند الرابع من المستشارين
فى اعتقادى ان ماذهبت اليه ليس عدم ثقة فى ارئيس المنتخب او تشكيكا فى عدم نزاهته فقط ارى ان الامر سيكون اكثر ديمقراطيا لو وزعنا مهام الانضمام والعزل علي من هم اهل لذلك ... لكم تحياتي

نرجو من الرئيس القادم دراسة هذه النقاط

اقترح وضع مسودة للدستور الجديد و عرضها ثم التصويت عليها

انشالله بس لسه المسوده ما اكتملت
لانو باقى المستشارين ما اتطلعو عليها لكن انشالله تكتمل قريبا
هو ما دستور جديد هى مواد جديده وفى تعديل فى مواد

السلام عليكم و رحمة الله تعالي و بركاته ..
وفيت و كفيت يا امجد .. و اضم صوتي لصوتك ..
كلام واعي و واضح ..
و هي دعوة للنقاش الواضح الصريح مع حفظ و احترام الدين و العادات و التقاليد ..
احترام الانسانية و ادارة الحوار بصورة راقية ..
مناقشة المواضيع دون التعرض لما يسئ للآخر ..
احترامي و تقديري ..

تحياتي ياريس امجد
صراحه كل البنود ميه الميه ومعاك قلبا وغالبا , بس في حاجه عشان الناس ما تفهم غلط موضوع الحريه , نحن ممكن نناقش اي موضوع مافي موضوع ممنوع بس يكون طرح الموضوع بصوره هادفه وموضوعيه لانه فعلا نحن هنا لكي نتفاكر ونتناقش ونستفيد من بعض بكل حريه ومن دون قيود , لكن افتكر احترام الاخرين والحفاظ على مشاعر الجميع ليس فيه اي نوع من انواع القمع , يعني اي انسان يستطيع يطرح اي موضوع بس بصوره مقبوله إجتماعيا , يعني ممكن إنسان يطرح موضوع بخصوص الجنس والممارسات الجنسيه , لكن عليه ان يتجنب الالفاظ الغير لائقه وطرح الموضوع بصوره موضوعيه ومن غير خدش حياء الاعضاء . لانه اعتقد لا حياء في العلم وما دام الموضوع من باب الاستفاده من وجهات النظر هذا يعتبر علم من وجهه نظري المتواضعه
وشكرا واسف على الإطاله ياريس

يا جماعة انا لحد حسي بعكس وجهة نظري الخاصة و انا بشوف انو مناقشة مواضيع عن الجنس و تبعاته دي مرحلة نحنا ما وصلنا ليها..حتي اللفظ بتاعها غريب علي لسانا ..لكن الحاجه الحلوةفي المجموعة دي انها ما مبنية علي افكار شخص واحد ..يعني ممكن كل فرد في المجموعةدي يبدي بي راية وفي النقطة دي ..و بعدها انا و انتو يا سعادة المستشارين حا نحدد نستمر بهذا المنوال ولا لا..و حتي اذا قرارنا ما اتوافق معا باقي المجموعة ..ممكن اختاروا رئيس جديد بي مستشارين جداد في الانتخابات الجاية و كلها باقي ليها ثلاثة شهور ..لكن في الوقت الراهن مطلوب مشاركة من الاعضاء لابداء الرأي سوا قبول او رفض

معاك ياريس ولا تزعل وفاهمين مقصدك بس كمان حاره في حقنا انك تقول مرحله النقاش في الجنس دي مرحله نحن ما وصلنا ليها افتكر اعضاء المجموعه دي والكثير من الشباب السوداني الان وفي الوقت الراهن وانتشار كل وسائل العلم والثقافه من انترنت وتلفزيونات اصبح قادر على مناقشه كل المواضيع وبكل عقلانيه وفهم بس ممكن تقول في شويه حياء من بعض الالفاظ لكن انا متأكد تماما ان الجميع لديه الكثير ويحب ان يناقشه ويتعلم المزيد , نقاش هادف للمعرفه والثقافه وليس لي اغراض اخري ومن حقك لو حسيت أن اي شخص خرج عن النص أن تتخز ضده إجراء وتأكد تماما نحن معك , نحن نحب أن تحافظ هذه المجموعه على هذا النهج الراقي في النقاش والممتع في نفس الوقت

يا اخ ايهاب و باقي الاعضاء
المقصود بعدم وصولنا لمرحلة النقاش في الموضوع اعلاه هو انو نحنا لسة ما متعودين علي انو الاولاد يناقشو البنات او تتناقش الحاجات دي بي صورة علنية... و حتي الكلمات و المواضيع دي في ناس كتار بيستحو منها و ده شي طبيعى ناتج عن التربية الاتربينا عليها ...و علي كل نحن في انظار ردود الافعال و التصويت علي هذه النقطة في الدستور

اضافة
كان في موضوع بالشكل ده مطروح في الصفحة و صلتني رسائل بتنتقد الحاجه دي في مجموعتنا ..الحاجه اللفتت انتباهي كانت انهم ما قادرين اعلنو رفضهم للموضوع ده بي صورة علنية لانهم بيستحو من الحاجات دي

سلامات ..
أى زول ممكن يناقش الحاجه الشايفا هو معقوله وبى لغه مضبوطة مهما كانت والناس حتناقش بى نفس الشى والمتجاوز هو المفروض يتحاسب .. ..

السلام عليكم
الكلام كتر من البداية عن الأيجوز والما يجوز.. أحسن يكون البيان بالعمل،الناس تبدأ في طرح المواضيع.. وبعد كدا يجي النقد .. بمعني نخلي الأعضاء (وهم المستشارين) يتناقشوا ، وأكيد كثرة الأراء في موضوع معين مفيد لصاحب الموضويع وللمشاركين ..
ولا أنا ما غلطان
تقبلوا تحياتي للكل

يا اخ تهامي .. في مواضيع كتيرة موجودة حسي ..نحنا بس مشكلتنا في المواضيع البتتكلم عن الجنس و الحاجات دي و نحنا حسي مستنيين نشوف ردود الافعال و بعديها حا نخت قرار ..انا و المستشارين التلاته و حتي لو القرار بتاعنا ما مشي معا راي الاغلبية ..ممكن في الانتخابات الجاية الناس تنتخب رئيس بيتماشي معا افكارها ..لكن في الوقت الراهن ..محتاجين نعرف انو هل الناس الهنا عاوزين مواضيع عن الجنس و ما يشبهه بالرغم من انو حياءنا و عاداتنا ما بسمحو بي الحاجة دي و بالرغم من انو المواضيع دي دايما بتجيب اهانات و الفاظ وحشة و شتائم و ... و .. ولا نسيبها

والله الموضوع محير شويه مثلا موضوع الجنس من المواضيع الحيويه بس بالجد ماينفع يتناقش فى حته فيها اخواتنا لانو بيخدش الحياءوالحياء هى الصفه الحلوه مع الاسف الابتداءت تختفى شويه شويه من مجتمعنا فما دايرنها تختفى من مجموعتنا بس هو صراحه موضوع حيوى وانحنا ناس اتلمينا على الاحترام والجديه والمواضيع الهادفه فالموضوع هادف علشان كده لازم اى واحد يدى رايو )(وامركم شورى بينكم)ودمتم

الاخ عاصم .. ما قدرته افهم موقفك من الموضوع ده
لكن متخيل لي انك معانا في الرفض التام

السلام عليكم يا ريس
اولا ياريت تعطيني الشرف في الانضمام الي المجموعة
والحاجة الثانية انا متاكد انك ماحتحتاج للكل العقوبات دي لانو نحن سودانيين بطبعنا
ولنا ولكم التوفيق

السادة الاعضاء
تم سحب كل التعليقات التي لا تمت لموضوع الصفحة ...و نرجو من الاعضاء الي عدم الانقياد في تيار الهاترات و لنحافظ علي علي روح المحبه في المجموعة

الساده اعضاء المجموعة
انا بقترح يا جماعة انو فترة رئيس المجموعة تكون تلاته شهور بدلا عن سته شهور ..لانو الناس بتتغير كتير و الفترة دي علي حسب تجربتي طويله جدا ..و ما حا تكون حاجه ساهلة بالنسبة للرئيس البعدي
يا ريت لو اي عضو في المجموعة دي اقول رايه بخصوص التعديل ده و يا ريت لو التعليقات تكون علي نفس الصفحة دي

السلام عليكم
ثلاثة اشهر فترة قصضيرة جدا لرئيس مجموعة متنيرة ومثقفة بالشكل دا الناس ممكن تتغير بس نحن مانبقى زى الايطالين فى التمانينات لحدة مانلقة نفسان بدون راس ... لو الستة اشهر طويلة ممكن تقلل بس مالثلاثة اشهر لاناه بالجد قصيرة الثلاثة اشهر .... مناقشة المواضيع سواء جنسية او دينية او اجتماعية مااعتقد انها تحتاج لكلمة ممنوع او غير مقبول بنات اليوم بناقشو المواضيع دى شبه عادى مع زملاهم المقربين وهنا المجال المفروض يكون مفتوح على مصراعية والمابتشارك برضو تكون استفادت من قراءة مناقشة الاخرين

ثلاث اشهر فتره قصيره وانا اقترح ان تستمر الفتره على السته اشهر كما هي لكن على كل من يرشح نفسه للرئيسه أن يعلم انه يجب ان يقوم بواجبه كامل طوال فتره الرئيسه وأن فترة رئيسته هي سته اشهر وعليه أن يكون مستعد قبل أن تؤكل له هذه المسؤليه
ومن جهتي اتمني وارشح وادعم استمرار امجد على رئيسه هذه المجموعه

طيب يا جماعة ..ده كلام جميل جدا ...لكن علشان نبقي عمليين اكتر ..انا بقترح انو ندي الموضوع ده لحدي يوم الخميس الجاي الموافق الثالث عشر من ديسمبر و نشوف عدد الموافقين و الرافضين ليهو

الاخ فتاح
دي برضو وجهة نظر و نختها في الاعتبار ..و ممكن نشوف راي الناس التانيين ...اما الموضوع بتاع مناقشة المواضيع الجنسية ..دي حاجه لو التاس عاوزاها ممكن نفتح النقاش فيها مره تانية ..انا شخصيا وضعته الدستور الاولي و واحد من الناس الرافضين الحاجه دي و حا ادافع عن النقطه دي حتي اخر لحظه لي في المجموعة دي ..لكن ممكن الناس العاوزنها يقولو رايهم في الحتة دي ..و انشالله ممكن اجي رئيس بي عقية متفتحة اكتر مني و افتح النقاش في المواضيع دي ...لكن طبعا في الحالة دي لازم اعلنها للناس في برنامجه الانتخابي

تسلم عزيزى امجد وانا لم اقصد المواضيع الجنسية فقط بل اقل كل المواضيع التى يحد من حرية الكلام فيها سوء كان عن طريق العفوية او الاصرار

يا اخ فتاح ..نحنا مجموعه متحرره جدا و ما متزمتين ..زي ما انته شايف نحنا بنتكلم في السياسه و العلاقات الاجتماعية و حتي الحب و الزواج و الطلاق اتكلمنا فيهو ...دي بس الحته الوقفنا فيها... و مافي موضوع نزل في المجموعة دي رفضناهو ..الا موضوع نازل عن الجنس و حتي صاحبة الموضوع اتقبلت الكلام ده بي صدر رحب و حتي كمان اتجاوبت معانا بي صورة حضارية

ياشيخى انا ماقلت انكم متزمتين ولا من عادتى انى اسمى الناس بصفات تقديرية ومختلف مفهومها من شخص لاخر .... اسف اذا كان اديتك-اديتكم- الانطباع دا .... كنت اقصد انو كل بمافيها الجنس يمكن ان تطرح وتستمر حسب الاستجابة لها مع مراعاة عدم جرح الاخرين او استغلال الموضوع لاغراض اخرى ... وشكرا

يا فتاح يا عليم يارزاق يا كريم
خير اللهم اجعلو خير
ما كنا ناس كويسين الجاب الجنس شنو
الحمد لله كلنا ناس كبار و واعين و عندنا خبرات تكفي العالم كلو انا بقترح انو كل واحد يمسك خبرتو عليو و لو ما مكتفي ممكن شفتش في الانترنت بي طريقتو عشان يزيد معرفتو و دي ساهلة جدا
اما حكاية ولد يتناقش مع بت في موضوع زي ده فأفتكر انها غير المألوف بألنسبة لينا كناس سودانيين
و انا بقولها ليكم انو في ناس اصحاب نفوس ضعيفة بيفتشو في حتات زي دي عشان يدخلو بيها على الطرف الثاني ايا" كان جنس الطرف الاخر
في ناس حا تقول علي زول متخلف و رجعي و يمكن عقدي لكن اقول ليكم حاجة انا افضل الرجعية و التخلف بتاعتي على التحرر

العفو اخى فلسان انت مارجعى ولامتخلف ... دا رايك ومن حق كل شخص يعبر عن رايه من غير ما يتعرض للاساءة من الاخرين .... انا شخصيا بحترم كل الاراء وما كنت بقصد مناقشة الجنس فقط بل كل المواضيع المتحفظ عليها

شكلك تعبتة خلااااص و الشغلانة غلبتك و بديت الجرسة
انا ما عندي مانع من حكاية التلاتة شهور و لا تزعل يا باشا
لكن نشوفك في ساحة الانتخابات

ياجماعه موضوع الجنس ده ما اتناقشنا فيه والناس كان اراءها مختلفه وطاله ما الرئيس لم يصدق على الموضوع ده لازم نلتزم كلنا بعدم الخوض في المواضيع دي حتى يستجد جديد , اما عن رأيي انا الشخصي في الموضوع زي ماقلت قبل كده انا ما عندي مانع انه الناس تناقش اي موضوع كان على هذه المجموعه بس مراعاه أدب الحديث والنقاش من غير تجريح ومن غير الفاظ تخدش الحياء العام واحترام جميع الاطراف , والكلام ده ينطبق على كل المواضيع بما فيها موضوع الجنس

يا ايهاب ..بدينا نقاش لكن الناس ما واصلت فيهو ..انا بشوف انو الرئيس دي حاجه تنفيذية ..انا ما بقدر افرض علي الناس ارائي او انهم اتبعو طريقتي
لكن حسي الموضوع مختوت للتصويت و لحد الاسبوع الجاي حا نحدد مصير المواضيع الجنسية دي

انا غير موافق على طرح المواضيع الجنسية للمناقشة
الاسباب:
1- ما منها فايدة اصلاً، تعني حتستفيد شنو
اديك نصيحة لو ما بتقدر تعيش من غيرا...النت مليانة مواقع متخصصة في المواضيع دي، عندهم دكاترة وبروفات..والكورس مجاني
2- عدم الموضوع يعني، المواضيع الهادفة كتير اوي
3- انا ما ضد الثقافة الجنسية او انو الناس تتعلم الامور دي، لكن لو حضرتو التجربة الدينماركي (انا ما حضرتها) فيها واحد بيقول يعني والله اعلم..." ما اهو الحاجات دي من غير ما نتعلمها عايشين وبنخلف" دا يبقى فعلاً عدم موضوع لما تدخل اي تجمع عربي للشباب تلقى اهم المواضيع هي دي
4- خلاص كفاكم تصبحو على خير

ده كان عشمي فيك يا ماجد

عزيزي ماجد الثقافه ليس لها حدود , واحتمال انت لا ترى فائده من هذه المواضيع لكن غيرك يستفيد من هذه المواضيع لذلك لا يجب أن نحكم على جميع الاعضاء من وجهه نظرنا الخاصه , وفي النهايه المجموعه فيها حريه وديمقراطيه ولو كل الاعضاء رافضين او الاقلبيه رافضين اكيد يتحتم علينا الالتزام وعدم الخوض في هذه المواضيع. أنا اوافق على مناقشه جميع المواضيع على هذه المجموعه دون أي استثناء بشرط مراعاة اختيار الالفاظ التي لا تجرح الحياء العام واحترام كل طرف للطرف الآخر , ومراعاه نوعيه النقاش نقاش من أجل التعلم والاستفاده

اهو يا ايهاب انتة قلتها ما نحكم من وجهة نظرنا الخاصة
انتة واحد من الناس المحترمة جدا" و دي حاجة ممكن اي واحد في المجموعة دي يشهد ليك بيها و انتة لمن تقتراح اقتراح زي ده بتعاين ليها من منظورك الخاص لكن ما كل الناس كدة
و لو ما مقتنع بي كلامي ده جرب و شوف و التجربة حا تكون اكبر برهان على كلامنا
في مجموعات كتيرة ما عندها مانع امشي و اكتب عن موضوع تناقش فيهو الحاجات دي و شوف بعد داك البيحصل شنو

انا يافلسان بتكلم عن انه الناس ممكن تناقش اي موضوع مهما كان حتى مواضيع الجنس بس في حدود احترام واداب النقاش , دي وجهه نظر بس مش معناتها انا حابي اكتب في موضوع عن الجنس او عندي حاجه حابي اناقشها , والله انا ما بفكر في اي موضوع حاليا بهذا الخصوص لكن بتكلم عن المبداء , إنه يكون مرفوض من اساسه النقاش في موضوع معين اي موضوع كان هذا من وجهه نظري خطاء

وكمان يافلسان انا واحد من الناس لو لقيت موضوع مكتوب عن الجنس وحسيت اني ممكن اضيف شي او انتقد شي او اناقش فيه اي جزئيه ما عندي اي مانع , في النهايه كل انسان له مبداء في الحياه وممكن ان يختلف من إنسان إلى آخر من غير أن يكون هناك خطاء

يا اخ ايهاب ..دي حاجه بتختلف من انسان لانسان اخر علشان كده وضعنا الموضوع ده للتصويت عليه

انا اضم صوتي لصوت الاخ ماجد مافي داعي امناقشه المواضيع دي 0

انا حا اوضح للاعضاء حاجه
انا في الفترة بتاعة الاسبوع دي ..حا اعمل دعاية كبيرة لعدم الموافقه علي مناقشة المواضيع الجنسية في المجموعة دي ..و الناس العاوزين انو المواضيع دي ممكن برضو اعملو دعاية للتصويت ده

و انا عشان اكون واضح برفض و اشجب طرح المواضيع دي
و دي الحاجة الكانت عاجباني في المجموعة دي

سلامات ......صباح الخير
انا غير موافق علي طرح موضوع الثقافة الجنسية
في المجموعة
ولكم جزيل الشكر
الحلاوي